CÓMIC ARES

ARES E OS XIGANTES

A deusa Dione contáballe un relato a súa filla Afrodita

sobre os xigantes chamados Alóadas.
Este relato conta como a belísima Eribea, Hermes e Artemisa puideron rescatar a Ares que estaba apresado polos xigantes.

Todo empezou unha mañá cando Ares paseaba tranquilamente de súpeto ao lonxe albiscou un par de xigantes, el intentou derrotalos pero eran demasiando fortes e encarceraronno nunha urna de cobre, enton cando Eribea enterouse, chamou a Hermes e a Artemisa a cal enganou os xigantes facendo que se arroxaran as súas lanzas un a outro matándose entre si, mentres Hermes rescataba a Ares.

PRESENTACIÓN DO NOSO EQUIPO.

O noso equipo está formado por: Gonzalo Rodríguez Gil, Lucía Vázquez González, Daniel Mo Gil e Manuel Fernández Fernández.
O noso traballo é sobre o deus da guerra, Ares.
Aproveitamos esta oportunidade para facer un cómic e non un texto aburrido.
Neste cómic relatamos unha historia que lle contaba Dione á súa filla Afrodita na que Ares foi atrapado por uns xigantes ctónicos, os Alóadas.
Tamén fixemos uns pequenos textos nos que contamos o que acontece no cómic e algunha información sobre Ares.
Agora vos amosamos o devandito cómic.

Zeus

Ola, visitantes do blog e compañeiros do Alexandre Bóveda. Somos o grupo de Paula, Bárbara, Pablo e Cristian, do Proxecto Interdisciplinar. Este ano tocounos traballar sobre Grecia. Os de 1ºD estamos a traballar sobre os deuses. Nós eliximos a Zeus, o deus do ceo e soberano dos deuses olímpicos. Para representar ao deus e outros conceptos referidos a el e á mitoloxía grega o noso equipo decidimos facelo en forma de mural. No mural tratamos tres temas: a vida de Zeus, o mito do Olimpo e outros personaxes da mitoloxía grega nomeados nalgúns dos textos da vida de Zeus. Dentro da vida de Zeus imos tratar:
- Tipo de deus, armas e significado do seu nome.
- Nacemento, familia e posibles lugares de orixe e coidados.
- Cronos e os seus fillos.
- Batalla contra Xigantes e Titáns.
- Mulleres e fillos que tivo.
- Transformacións.
- Templos.
- Pensamentos de Homero e dos gregos sobre el.
- O deus Xúpiter.
- As representacións de Zeus.
- O carácter e os actos do deus.

Referente ao mito do Olimpo, é unha pequena historia que trata da busca dunha solución por parte dos deuses para remediar as guerras que ían vir sobre os seus territorios e despistar un pouco aos humanos. O resultado final é o descubrimento do viño, que é a súa solución.
Para rematar falaremos dalgúns personaxes da mitoloxía grega que son nomeados nos textos da vida de Zeus e que quizais non coñezades. Neles explicamos quen son os distintos heroes e algunhas das súas características.

Iso todo poderédelo ver nos corredores do instituto explicado en pequenos textos. Esperamos que vos guste o noso proxecto.

Créditos da imaxe

Ulises e o cíclope

ULISES E O CÍCLOPE

O noso grupo de 1ºD fixo o traballo sobre unha parte da Odisea de Ulises, cando se topa con Polifemo o cíclope.
Ao primeiro queriamos facer unha película de plastilina e Benigno púxonos en contacto cunha rapaza chamada Iris que se adica a iso. Pero como non nos deu tempo, fixemos unha especie de cómic.

HERACLES

Ola! Somos o grupo de 1ºESO D que realizou o traballo de Heracles. Chamámonos Uxía, Ana, Yasmina e David.
Decidimos facer o traballo sobre este heroe porque pensamos que como viviu moitas grandes aventuras moi extrañas e apaixonantes, moita xente estaría disposta a coñecelas.

HERACLES

Heracles é o nome grego de Hércules.


XUVENTUDE DE HERACLES

Heracles era o home máis forte do planeta e tiña sangue de deuses.
O verdadeiro pai de Heracles era Zeus, pero Anfitrión, o rei de Tirinto, facía de pai e Alcmena de nai.
Hera odiaba ao seu fillastro secreto, Heracles, e dixo que o seu fillo nacería antes ca el e que Heracles serviría a Euristeo.
Hera e Atenea viron ao bebé espido, e a primeira, sen saber quén era, amamantouno. Pero o bebé sugou con tanta forza que ela o tirou.
Atenea levou ao bebé xunto a súa nai para que o criara. Moi contenta, ela comezou a crialo esperando que as pingas de leite que sugara de Hera o salvaran da mala vontade da deusa, pero cando Hera se decatou de quén era o bebé, o seu corazón encheuse de rancor. Ela mandou dúas serpes para matar a Heracles.
A enfermeira que coidaba do bebé non podía moverse ou falar do medo, mais Heracles colleu as cobras, unha en cada man, e estrangulounas antes de que lle puideran facer mal.
O marido de Alcmena foi correndo coa espada na man e quedou sorprendido co talento do forte neno. Enviouno a Terisias, para saber a sorte do neno, e o vidente díxolle cál era a orixe e o destino de Heracles. Anfitrión ensinoulle a Heracles a adestrar cabalos, dirixir carros e buscou os mellores profesores para o seu fillo.

OS DOCE TRABALLOS DE HERACLES

Heracles toleou e matou á súa familia e, para non sufrir, foi ao Oráculo de Delfos, que lle encomendou unha serie de traballos que tiña que levar a cabo para liberarse do seu sufrimento. Estes traballos foron doce:

1.- Matar ao león de Nemea e entregar a súa pel.
2.- Matar á Hidra de Lerna.
3.- Capturar ao xabaril de Erimanto.
4.- Capturar a cerva de Cerinia.
5.- Matar as aves do lago de Estinfalo.
6.- Limpar os establos de Auxías.
7.- Capturar ao touro de Creta.
8.- Matar as eguas de Diomedes.
9.- Roubar o cinto de Hipólita.
10.- Roubar os bois de Xeriones.
11.- Capturar o can de Cerbero.
12.- Coller as mazás de ouro do xardín das Hespérides.

MORTE DE HERACLES

Heracles explicoulle a Hilo que o oráculo vaticinara que morrería a mans dun habitante do Hades e que tras a batalla de Eubea ían rematar os seus traballos. Ambas as dúas cousas íanse cumprir, pois morrería a causa dunha artimaña de Neso e os seus doce traballos rematarían, posto que para un morto xa non hai traballos.