CASOS DE DOPAXE EN DEPORTISTAS DE ÉLITE

Ben Johnson (nacido o 30 de decembro de 1961) foi un atleta canadense coñecido pola súa descualificación por dopaxe despois de gañar a final Olímpica dos 100 metros nos Xogos de 1988.

Marion Jones foi unha destacada atleta estadounidense que conseguiu cinco medallas olímpicas en Sidney (tres medallas de oro e duas de bronce), en atletismo, para perdelas despois por estar involucrada nun escándalo de dopaxe por consumo de esteroides.

Especialidades con mais positivos

As especialidades deportivas das olimpiadas nas que mais deportistas deron positivo nas probas de dopaxe foron en primeiro lugar a halterofilia e despois o atletismo.

Presidentes do COI

Jacques Rogge (2001-Actualidade) Bélxica.	Juan
Lord Killanin (1972-1980) Irlanda.	Avery Bundage (1952-1972)  Estados Unidos.
Johannes Sigfrid Edström (1946-1952) Suecia.	Henri de Baillet-Latour (1925-1942) Bélxica.
Pierre de Cobertin (1896-1925) Francia.	Dmetrius Vikelas (1894-1896) Grecia.

Aparicion dos aneis olimpicos nas medallas olimpicas.

Os aneis olímpicos apareceron por primeira vez nas medallas nos Xogos Olímpicos de París 1924, pero non volveron a aparecer de novo ata os Xogos Olímpicos de Montreal 1976. A partir de aquí aparecen en todas as medallas, salvo nas de Los Ángeles 1984.

Documental sobre os Xogos Olímpicos

Neste documental pódese ver un resumo de todos os Xogos Olímpicos dende Atenas 1896 ata Londres 2012.                                                                                                                                   

  

Olympia

É un documental creado por Leni Riefenstahl que atrapa imaxes de gran beleza e esforzo dos atletas nas distintas especialidades dos Xogos Olímpicos de Berlín, festexados en 1936.Leni usou 35 cámaras e numerosos teleobxectivos,cos que captou os pequenos detalles de cada competición.
Este documental foi publicado en 1938.

As sesións do COI

As Sesións do COI son xeralmente reunións de membros do COI onde se poñen a votación cuestións ou accións a tomar referentes ao movemento olímpico. É o órgano supremo do COI e as súas decisións son finais. Cada membro do COI ten dereito a voto.
Unha sesión ordinaria efectúase unha vez ao ano. En caso de emerxencia ou de ter que resolver puntos aínda pendentes, pódese chamar a unha sesión extraordinaria en conveniencia co Presidente do COI ou por petición escrita de polo menos as dúas terceiras partes dos membros.
As actividades máis importantes realizadas nas sesións son:

• Adaptar ou modificar a carta olímpica.
• Elixir os membros do Comité Olímpico, o Presidente Honorario, membros honorarios e membros de honor.

• Elixir o Presidente, Vicepresidente e todos os demais membros do Corpo Executivo.
• Elixir a cidade sede dos Xogos Olímpicos.
• Determinar que deportes formarán parte do calendario olímpico e cales non.

Primeiro caso rexistrado de dopaxe dun español

Durante a década dos anos 70, foi o ciclista Jaime Huélamo durante os Xogos Olímpicos de Múnich 1972 quen deu positivo nun control antidopaxe por coramina despois da competición na que obtivo a medalla de bronce.

Congresos do COI

Nos congresos do COI, 13 na súa totalidade, celebrados en períodos de tempo irregulares, trátase sobre temas de importancia referentes ao movemento olímpico internacional nese momento; ademais exponse, discútese e conclúese sobre o nivel e historial olímpicos logrados ata ese entón, e a súa proxección  cara o futuro. A primeira destas reunións realizouse en París no ano 1894, a máis recente foi en Copenhague, Dinamarca, no ano 2009.


Jacques Rogge, actual presidente do COI.

Asterix nos Xogos Olímpicos

No pequeno pobo dos irreductibles galos non sólo se persegue  aos romanos, tamén o amor... Lunátix, xoven guerreiro intrépido e romántico, está namorado da sublime princesa grega Irina e osou desafiar a Bruto, quen tamén desexa conquistala. Desta forma, ambos competirán nos Xogos Olímpicos pola man da bela princesa. Astérix, Obélix e Lunátix, cargados da famosa poción máxica de Panorámix, irán pasando todas as probas para dar unha boa lección ao César.

Asterix nos Xogos Olímpicos

Esta película trata sobre as aventuras de dous galos e o seu can Idefix, nos xogos olímpicos. Neste film aparecen personaxes recoñecidos como Santiago Segura e Michael Schumacher.

A bandeira olímpica

A bandeira Olímpica está en proporción 2:3, e o seu uso está estritamente regulado polo Comité Olímpico Internacional, ao igual que o dos aneis.

A bandeira Olímpica ízase en todas as cerimonias de apertura dos Xogos Olímpicos, dende Amberes 1920. Unha segunda bandeira é utilizada para o Xuramento Olímpico dos atletas e xuíces.

A bandeira Olímpica é baixada durante as cerimonias de clausura dos Xogos.

Reunións do COI

O COI realiza unha serie de reunións de alto nivel onde se discuten o pasado, presente e futuro do movemento olímpico internacional. Divídense en dous tipos: Os congresos do COI e as sesións do COI.

Primeiro caso rexistrado de dopaxe nos xogos olimpicos

Durante os Xogos que se desenvolveron en México en 1968, o sueco Hans-Gunna Liljenwall, que competía en pentatlón moderno, converteuse no primeiro deportista en ser eliminado dunha Olimpíada por dar positivo nun control anti dopaxe. Encontróuselle exceso de alcohol na súa análise.

Munich

O film  céntrase nun grupo especial do Mossad encargado de localizar e asasinar a un grupo de palestinos sospeitosos de realizar o atentado.

O protagonista da historia é un xoven axente secreto israelí, Avner. Un dos seus superiores no Mossad, chamado Ephraim, fala con Avner, para proporlle unha misión sen precedentes na historia de Israel. Pídelle que abandone a súa esposa embarazada, que olvide a súa identidade e desapareza da faz da terra para cazar e matar ós once homes acusados polos servizos secretos israelíes de planear a matanza de Munich.

Munich

 Esta película está basada nos acontecementos das Olimpiadas de Munich '72, onde un grupo de terroristas palestinos, denominado setembro negro, asasinaron a 11 deportistas israelíes.

Wilma

A velocista Wilma Rudolph, gañadora de tres medallas de ouro nos Xogos de Roma 1960, foi tema para un telefilm en 1977 titulado simplemente Wilma, no que se recolle a difícil vida de Wilma, que dende nena foi víctima dunha polimelitis que a mantivo varios anos sen poder camiñar, e que pese a todo convertiríase na muller máis rápida do mundo.

Está dirixida por Bud Greenspan, máis coñecido polos seus documentais sobre os Xogos Olímpicos. O papel protagonista correu a cargo de Shirley Jo Finney, e como curiosidade dicir que supuxo na pantalla a aparición do actor Denzel Washington, que interpreta a Robert Eldridge, o home de Wilma.

As cores dos aneis olímpicos

Os aneis forman dúas filas, hai tres na parte superior e dous na inferior. Os aneis da fila superior son de cor azul, negra e vermella. Os aneis da parte inferior son de cor amarela e verde, e, finalmente, o fondo é branco. Polo menos un destas cores pódese encontrar na bandeira de cada nación participante nos Xogos Olímpicos. As seis cores combinadas representan todas as nacións sen excepción. A cor branca, ademáis, significa a paz mundial.

O Comité olímpico Internacional

É dono de todos os símbolos olímpicos e dos xogos. Controla os dereitos de transmisión dos xogos, a publicidade e demais actividades, de acordo á Carta Olímpica. É o organismo internacional encargado de organizar e seleccionar as cidades que serán sedes dos Xogos Olímpicos cada 4 anos. Ten a súa sede en Lausana (Suíza).

Substancias prohibidas nos deportes

As seguintes clases de substancias están prohibidas polo Comité Olímpico Internacional (COI):
. Estimulantes
. Narcóticos
. Beta bloqueantes
. Diuréticos
. Esteroides Anabólicos
. Hormonas peptídicas e os seus derivados

Ademais están prohibidos os seguintes métodos de dopaxe:
. Dopaxe de sangue
. Manipulación farmacolóxica, física e química dos ouriños

E as seguintes substancias están suxeitas a certas restricións:
. Alcohol
. Marihuana
. Anestésicos locais
. Coricoesteroides

Certas federacións teñen a súa propia lista de substancias prohibidas. Deben chequearse para saber se hai outras substancias prohibidas no deporte particular.